Shillong, Rymphang 02
Ki ar ngut ki nongïalam ka Meghalaya Sport Climbing and Mountaineering Association (MeSCMA) kiba kynthup ïa u Secretary u Bah Wallambok Lyngdoh lem bad ka Kayleigh Petra Nongkynrih ki la shah khot ha ka Tata Steel Adventure Foundation (TSAF) ban pynïaid kum ki nongbishar ha ka Tata Steel Climbing Championship 2026, ka ban long naduh 24 haduh 27 tarik mynta u bnai ha Jamshedpur, Jharkhand.
Ka Tata Steel ka dei kawei na ki kompani kaba ju noh synñiang ha ka ban kyntiew ïa ki jingïalehkai bapher bapher ha ri India. Lyngba ki jingpyrshang jong ka TSAF, ka jingïalehkai kiew lum ka la ïoh ïa ka jingkiew kaba khraw ha Jharkhand.
Ka jingïalehkai kiew lum ka la sakhi ïa ka jingkiew jong ki nongpeitkai ha ka pyrthei naduh ba la pynrung ïa ka ha ka Olympic, kaba la pynlong nyngkong ïa ka ha Tokyo 2020, bud sa ha Paris 2024, bad mynta ka la ïaid sha ka jingïashim bynta kaba kham heh ha Los Angeles ha u 2028.
