Shillong, Rymphang 02
Ki kam tuh kam thiem ki la nang ïai bteng na kawei ka sngi sha kawei pat bad ïa kane la lah ban sakhi na ki jingjia ba dang shen. Ka jingjur jong ki kam tuh ka la wanrah ruh ïa ka jingbym long shngaiñ shuh ha ka imlang sahlang.
Katkum ka khubor kaba la ïoh na ki pulit la ong ba ka Kong Pyntngen Shibun Phawa ka la ai ka jingujor ba ha ka 29 tarik jong u bnai ba la lah, kata ha ka por kumba 5.30 janmiet, ki runar bym lah ban ithuh, ki la prong tuh hapoh ka ïing jong ka, kaba don ha Pohkseh East-II, Shillong bad ban rah tuh ïa kawei ka cutter machine, kawei ka drill machine, kawei ka grinder machine, kawei ka router machine, bad kiwei ki tiar kiba shongdor kumba T.53,377/-. Ha kawei pat ka khubor, u Daman Ha U Ru Siangshai u la ai ka jingujor ba ha ka 30 tarik jong u bnai ba la lah, ha ka por kumba 2 baje mynstep, ki runar bym lah ban ithuh ki la tuh ïa ka arshaka ka jong u, kaba don ïa u registration number ML04-D-3244 bad kawei ka scooter (ML04-D-8313) na ka thaiñ Dongmihsngi, Jowai ha West Jaiñtia Hills.
