Shillong, Rymphang 03
Uwei u briew u la shah kem noh ha ki pulit halor ka jingkynnoh donkti ban thombor ïa uwei pat da ka tari, kaba la lam shaduh ka jingmynsaw.
Katkum ka khubor kaba la ïoh na ki pulit la ong ba ka la don ka jingujor ba ha ka 30 tarik jong u bnai ba la lah, ha ka por kumba 1 baje mynstep, la kynnoh ba uwei u briew ba la tip kyrteng kum u Shandani Lamare, 20 snem ka rta, u la thombor ïa uwei pat u briew ba la tip kyrteng kum u Mar AR Siangshai @ Mewan Siangshai, da ka tari ha ka shnong Mookyniang, Khliehtyrshi ha West Jaiñtia Hills.
La ong ba ha kane ka jingshah thombor, une u briew u la mynsaw bad la pynkit noh mar mar sha ka jaka ai jingsumar ha Dr. Norman Tunnel Hospital, Jowai. Na ka liang jong ki pulit ki la kem noh ïa utei u briew ba la kynnoh donkti ban thombor.
