Patna, Rymphang:
Ka sorkar Bihar, ha ka sngi Ba-ar, ka la wanrah ïa ka mang tyngka kaba T.3.47 lak klur ha ka ïingdorbar jong ka jylla, kaba la antad ba kan don ka jingkiew kaba khlaiñ bha ha ka ïoh ka kot, kaba long 14.9 percent na ka bynta une u snem mang tyngka ba mynta. La wanrah da u Myntri ka tnat pla tyngka u Bijendra Yadav, ka mang tyngka kaba la mang na ka bynta ka jingpynlut ha ka skhim kaba man la u snem kaba T.1.22 lak klur.
Ka sorkar Bihar ha ka sngi Ba-ar ka la wanrah ïa ka mang tyngka kaba T.3.47 lak klur, da kaba pynskhem ba ka jylla ka ïaid shaphrang ha ka jingstet bad ka jingkiew kaba la antad na ka bynta kane ka snem mang tyngka kaba mynta ka long kaba phylla haduh 14.9 percent. Ïa kane ka mang tyngka la wanrah hapoh ka ïingdorbar jong ka jylla da u Bijendra Yadav.
Ka jingpynlut jong ka skhim man la u snem la pynpaw ba ka long haduh 1.22 lak klur tyngka, ha kaba ka tnad pynroi nongkyndong ka ïoh ïa ka bhah kaba heh bha kaba long 18.33 percent, bud sa ka pule puthi (15.02), ka koit ka khiah (8.21), ka kam pynroi sor bad ki ïing (7.77), ki jingtrei ha ki thaiñ nongkyndong (7.29)bad ka bha ka miat (6.86).
