Jowai, Rymphang 05
Ka Jaiñtia National Council (JNC) ha ka 5 tarik Rymphang kala mih kyndit kynsan ban pynlong ka jingïakhih da kaba leit tur sha ophis Jaiñtia Hills Autono-mous District Council (JHADC).
Kane ka jingïakhih ka long halor ka jingbym pyntreikam ïa ka ktien Pnar, jingkhaïi beaiñ ki bar jylla ha ki ar tylli ki District kata ka East bad West Jaiñtia Hills.
U President ka JNC u Sambormi Lyngdoh u la pynpaw ïa ka jingbynñiaw halor ka jingbym lah jong ka JHADC ban weng ïa ka jingkhaïi beaiñ da ki bar jylla bad ban pyntreikam ïa ka ktien Pnar, wat hadien ba la ithuh ïa ki dak thoh.
“Ngim wan ban pynmih jingkulmar, hynrei ban pynkynmaw ïa ka JHADC ïa ki jingkitkhlieh jong ka ïa ki trai ri trai muluk,” la ong u Sambormi da kaba pynksan ïa ka jingdonkam jong ka council ban buh hakhmat eh ïa ki jingmyntoi jong ka thaiñ.
Hadien kane, u CEM ka JHADC Ma Thombor Shiwat bad Deputy CEM Ma Lasky Rymbai kila mih ban ïakren bad ki nongïalam ka JNC bad kular ban pyntreikam ïa ki mat jingdawa ka seng, bad na ka liang ka JNC ruh ka la pynsangeh noh ïa kane ka jingïakhih.
