Shillong, Rymphang 05
U Myntri Rangbah ka Jylla u Conrad K Sangma ha ka sngi Palei u la pyntip ba ka Kynhun Myntri ka Sorkar, kala mynjur ïa ki kyndon treikam na ka bynta ka Captain Williamson Sangma State University, ban pynbeit ryntih ïa ka jingtreikam jong ka.
Haba kren sha ki lad pathai khubor hadien ba la wai ka jingïalang jong ka Kynhun Myntri, u Conrad u la ong, ki kyndon treikam kiba la mynjur ki kynthup ïa ki bynta bapher-bapher, kynthup ïa ka academic calendar, ka admission, ka fee structure, course structure, bad ka eksam na ka bynta ka post graduate.
“Ki don bun ki kyndon kiba don 11 baroh lang, kiba hap ban mynjur da ka Kynhun Myntri bad la mynjur ïa ki mynta ka sngi,” ong u Conrad bad bynrap ba kane kan ïarap ban pynbeit ryntih ïa ka jingtreikam ka University.
