Shillong, Rymphang 05
U Myntri Rangbahduh ka ri u Narendra Modi u la pynpaw ïa ka jingsngew diaw halor ka jingbthei jong ka par dewïong beaiñ kaba don ha East Jaiñtia Hills, Meghalaya kaba la shim ïa bun tylli ki mynsiem briew. Ha ka jingthoh ba la buh ha rynsan ‘social media’, u la pynpaw ïa ka jingsngewlem sha ki bahaïing hasem jong kiba la khlad noh bad kitbok kitrwiang ba kiba mynsaw kin ïoh noh kloi ïa ka jingkoit jingkhiah.
“Nga sngewsih namar ka jingjia ba sngewsih ha East Jaiñtia Hills, Meghalaya. Ka jingsngewlem sha kito kiba la duh noh ïa kiba ieid ba thoiñ jong ki. Ai ba kiba mynsaw kin koit kloi kloi,” ong u Modi.
U Myntri Rangbahduh u la pynbna ïa ka ‘ex-gratia’ kaba mar T.2 lak na ka Prime Minister’s National Relief Fund (PMNRF) sha kiba haïing hasem jong kito kiba la duh noh ïa la kiba ieid ba thoiñ bad T.50,000 sha kiba mynsaw.
Ha kawei pat ka khubor, na ka liang jong u Myntri Rangbah ka Jylla u Conrad K Sangma ruh u la pynbna ba ka Sorkar Meghalaya kan ai sngewlem da ka ‘ex gratia’ kaba T.3 lak sha kiba haïing hasem jong kiba la khlad noh ha ka jingjia bthei ha par dewïong ha Thangkso ha East Jaiñtia Hills.
