Guwahati, Rymphang:
Ki la don arngut ki pulit ka Assam kiba la shah kem ha ka 3 tarik, Rymphang halor ka jingkynnoh ba ki pynpoi drok bad kyiad sha ki koidi jong ka Guwahati Central Jail, ong uwei u heh pulit.
Kane ka jingshahkem jong kine ki pulit, ka la long hadien ka jingujor ba la mudui katto katne sngi shwa kaba la kynnoh ba u drok bad ka kyiad ki long kiba duk ban ïoh hapoh ka phatok. Da kaba pyntreikam shakhmat hadien ka jingdon jong ka jingujor, ki pulit ki la pynlong ïa ka jingtohkit kaba bniah, ha kaba la lap ïa ka jingdonkti jong kine ki arngut ki pulit kiba la shahkem.
“Ngi la lap ïa ka jingdonkti jong ki arngut ki pulit bad ngi la kem ïa ki mynta ka step”, la ong u ophisar ha ka lad phah khubor.
Katkum ka jingong ki pulit, la kynnoh ba ki briew kiba shah kynnoh ki ai drok bad kyiad sha ki koidi kum ka jingsiew pisa. Baroh arngut ki pulit ki dei na ka kynhun 4th Assam Police Battalion bad ki la shah pyntreikam ha Guwahati Central Jail ha ka por ba ki la shah kynnoh donkti ha ka kam beaiñ.
U ophisar u la ong ba ka jingtohkit ka dang ïaid shakhmat ban pynthikna la ki don ne em ki briew shimet kiba donkti ha ka kynhun kaba pynsuk ïa ka jingpynpoi ïa kine ki jingdih pynbuaid hapoh patok.
