Shillong, Rymphang 06
U Myntri Rangbah ka Jylla, u Conrad K. Sangma u la kubur ba ka jingkhang ïa ki par dewïong ba la iehnoh kumto ka dei ka jingeh kaba khraw ïa ki bor ba dei khmih.
“Kumta (ka jingkhang ïa) ki 22,000 tylli ki par dewïong (ba la iehnoh), ka long kaba jwat bha na ka bynta kano-kano ka bor ba dei khmih… ka lah ban shim por ïa ngi da ki snem – ki snem, ban khang dam tang ha kawei ka distrik,” u la ong.
U Conrad u la ong ïa kane haba kren halor ka jingbthei bom ha kawei ka par dewïong be-aiñ ha East Jaiñtia Hills, kaba la shim noh ïa 18 ngut ki mynsiem briew.
Haba kular ban leh da kaba tyngeh pyrshah ïa kito kiba donkti, u la ong, “Ngin pynshitom da kaba tyngeh pyrshah ïa kino-kino kiba donkti bad kane.”
Na ka liang u Myntri Rangbah u la kubur ruh ba ka jingtih dewïong be-aiñ ka ïai bteng ban long ka jingeh kaba khraw, wat hapdeng ki jingpyrshang ban kyntiew ïa ka jingtih dewïong katkum ka juk stad saian.
“Kine ki jingjia ki ju jia, ha kaba…ka jingtih dewïong be-aiñ ka la jia, ka bym shym la dei ban jia satia bad nangta kane ka jingbthei kaba la jia ka bym shym la dei satia ban jia,” u la ong.
