Baghmara, Rymphang 06
Uwei u briew ba la 47 snem ka rta, u la ïap hadien ka jingshah ïuh ha ki hati ha kawei ka jaka ha Gasuapara kaba hap ha South Garo Hills district, ha ka step sngi Thohdieng.
Une u briew uba la khlad la tip kyrteng kum u Abdul Mannan, uba dei u nongshong shnong jong ka Mankachar, South Salmara.
La ong ba une u rangbah uba la khlad u la shong arshaka bad u paralok jong u. La ong ha ka jingïatyngkhuh bad ki hati, u nongñiah jong ka arshaka u la lait phet da ka said, katba u Mannan uba la kynthih na ka arshaka, u la shah thombor ha ka kynhun jong ki hati.
La antad ba katei ka jingjia ka la jia hapdeng ka por 9:30 bad 10:30 baje mynstep.
Ki jingïatyngkhuh hapdeng u briew bad u hati la ïathuh ba kala jia ha ki jaka bapher bapher jong ka thaiñ Garo Hills ha kine ki por ba la dep, khamtam ha ki jaka ba jan bad ki lynti khlaw.
Na ka liang ki bor ba dei khmih ki dang ïai ap ïa ka jingtip ba bniah bad ki dang bteng ban tohkit ïa katei ka jingjia.
