Ka da pynlyngngoh hi ngain ïa ngi ki nongshong shnong ka Mawlai Syllai Kariah hadien ba u Rangbah shnong ba mynta i Bah C. Shullai u la resaiñ na ka kam Rangbah Shnong. Ha ka jingshisha la dei ban pynlong Dorbar shnong ban jied ïa u Rangbah Shnong watla kam pat kut ka por ne samoi treikam ban jied ban jied thymmai ïa u Rangbah Shnong bad ki nongkit kam shnong.
Namar ka samoi trei kam ka Executive Committee ba mynta kan kut haduh ka 6 – 7- 2026. Hynrei kaba pynglyngngoh ba ka Executive Committee ka la pynbna ban pynlong Dorbar ai jingkheiñ jingdiah bad Report trei kam ha ka 17 – 1- 2026, (Sngi Saitjain) bad kane ka Dorbar khlem pynbna ban jied Rangbah shnong, hynrei ban shu ai ka Report trei kam bad jingkheiñ jingdiah, jinglut jingsep shisien shi snem ba la pynbna.Hynrei ynda la pynlong ïa ka Dorbar ka long da khongpong kumba la pynbna ban shu ai jingkheiñ jingdiah bad Report trei kam. U Acting Rangbah Shnong ula kam bad u la pynïaid hi ïa ka Dorbar bad ula jied hi ïalade ba ka Dorbar kan pynskhem beit ïa u kum u Rangbah shnong ba pura namar ba la mynjur u Syiem u la ong, na ka bynta lai snem kynthih un bat ïa ka kam Rangbah shnong. Ha kane ka Dorbar la jied thymmai de nalor u Rangbah Shnong, ïa u Assitant Rangbah shnong bad ïa u Secretary shnong khlem da pyntip ïa ki nongshong shnong ban jied thymmai ïa u Rangbah shnong bad ki nongkit kam shnong. Kane ka jingleh ka bym ïahap haei haei ruh kum ka rukom pynïaid shnong pynïaid thaw. Kumta ka jingpynskhem Rangbah shnong ha kane ka sngi ka long kaba beaiñ bad kaba la pynïaid shnong pynïaid thaw, da kane ka Executive Committee ba mynta jong ka shnong Syllai Kariah. Hato ïa u Rangbah shnong mynta yn thung beit noh na ka liang u Syiem bad shu phah pynskhem ha ki nongshong shnong? Ne ïa u Rangbah shnong donkam ban jied da ki nongshong shnong ha ka Dorbar ?
C. B. Iawphniaw
