Shillong, Rymphang 09
Ka jingïalang ba shisien shisnem jong ka Dorbar Kur Bah Shangpliang kan long ha ka 4 tarik u Lber 2026 ha Mawsynram East Khasi Hill District. Katkum ka kyrwoh khubor ba la phah da U Bah Commander Shangpliang, General Secretary jong ka Dorbar Kur Shangpliang, Central Body u la ïathuh ba ka Kur ka la mynjur ba ka Dorbar Kur Bah ba shisien shisnem kan long ha Mawsynram bad kan sdang ha ka por 10 baje mynstep. Ha katei ka sngi yn sa ïakren ïa ki kam jong ka Kur bad kin don ruh ki prokram ban pyni ïa ki sap ki phong lyngba ki dkhot jong ka Kur. U Bah Commander u la kyrpad ïa baroh ki para kur kiba shong kiba sah ha ki bynta bapher bapher jong ka jylla ba kin wan ban ïashim bynta ha kane ka Dorbar Kur bad ba kin shim ïa kane ka khubor kum ka jingpyntip.
