Ki don ki aiñ shongkha ne kata ka Registration of Marriage Act ba la ïathuh da ka sorkar. Kane ka aiñ shong-kha ha ka jingsngewthuh jongnga ka long ban tehlakam ïa ka jingïaphet tnga. Hangne ha Ri jong-ngi ki khristan ki kham bun paid bad ki don la ka jong ka aiñ shongkha ia kaba la ithuh da ka sorkar ba la tip kum ka Christian Marriage Act. Kumno kane ka aiñ ka trei kam? Kane ka aiñ ka trei kam tang ïa kita kiba trei kam sorkar ym ïa ki bym trei kam sorkar kum ïa ki nongrep, ki nongbylla, kiba trei kam lajong (Business) ki nongkhaiï, kiba ñiah kali bad bun kiwei kiwei kiba im kamai jakpoh da kaba trei shitom miet bad sngi ban ioh ïa ka bam. Kane ka aiñ kam da khlain namar kam lah ban teh lakam ïa kita ki bym trei kam sorkar. Kiba trei kam sorkar te ki shah teh ha kane ka aiñ shongkha namar ki tang shu ïa phet tnga lane ki ieh tnga ki hap ban siew bai bam ïa ka tnga bad ki khun.Hynrei ïa ki bym trei kam sorkar kam lah ban pynioh bai bam kumba long kiba trei kam sorkar State lane Central Govt. kumjuh. Hynrei ki don kiba trei kam sorkar bad kiba la ïathoh lada ka tnga kam ujor eiei ne dawa bai bam ïa ki khun kane ka aiñ kam lah ban leh eiei.
C. B. Iawphniaw
