Srinagar, Rymphang:
Ha Jammu & Kashmir, ha kaba ka jingbym ïoh kam ka long 6.7%, kaba kham heh shibun ban ïa ka jingdon ha ka ri, kaba long 3.5%, ka sorkar ka la lum bai eksam da T.48 klur na ki samla bym don kam, na ka bynta ban applai kam sorkar ha ki ar snem.
Ha ka jubab ba la thoh halor ka jingkylli na u MLA ka PDP u Waheed-ur-Rehman Para, ka sorkar ka la pyntip sha ka ïing dorbar thaw aiñ mynta ka sngi ba ki ar tylli ki tnad thungkam jong ka J&K – ka Jammu and Kashmir Public Service Commission (JKPSC) bad ka Jammu and Kashmir Services Selection Board (JKSSB) ki la lum ïa ka bai eksam da palat 48 klur kaba la applai da ki samla wadkam ha ki ar snem jong u snem ka kheiñ ka diah.
Katkum ka jingkheiñ, ka JKPSC ka la lum T.17.90 klur kum ka bai lutksan na ki samla bym don kam don jam na ka bynta ban aply ïa ki kam bapher bapher ba la pynbna da ka Commission ha u snem 2023-24 bad T. 10.50 klur ha u snem 2024-25 da ka JKPSC.
