Lucknow, Rymphang:
Ki pulit jong ka Lucknow ki la pynjur ïa ka jingpyndonkam ïa ki “manjha China” ba la khang pyrshah da kaba buh ïa ki Drone ban peitngor ha kylleng ka nongbah ban peitngor bha ïa ki jingpynher kotkudi. Kane ka sienjam ka long ban ïada na ki jingjia aksiden bad ban pynjari tyngeh ïa ka jingkhang ïa ki ksai pynher kiba buh jingma, kaba la don jingïadei bad ki jingmynsaw bunsien ha ki por ba la leit.
U DCP ka West Vishwajeet Shrivastava u la ong ba ki pulit ki la pynlong ïa ki jingpynsngewthuh paidbah bad pyntreikam ïa ki aiñ hadien ba la don katto katne ki jingjia kiba ïadei bad ki manjha China ha kane ka nongbah.
“Ngi la dep pynlong ïa ka jingkhynra ha ki dukan die kotkudi. Ryngkat bad kane, ngi dang lum jingtip bad ïakynduh bad ki klob bad ki briew ba ju sngewtynnad ban pynher kotkudi. La ïathuh shai ïa ki ba ka jingpyndonkam ïa kine ki manjha kan khot ïa ka jingpynshitom kaba tyngeh”, u la ong.
