New Delhi, Rymphang:
Ka Supreme Court ha ka lah sngi U Blei, ka la pan na ka Delhi High Court, ba kan ai ïa ka jingbishar kaba shabar jong ka jingbishar, ïa ka jingkyrpad jong u nongïalam jong ka BJP, u Kuldeep Singh Sengar, uba la pynibor pyrshah halor ka rai pynshitom pyrshah ïa u hadien ka jingjia jong ka jingïap ha patok jong u kpa jong kawei ka khynnah kaba la lait im hadien ka jingshah leh beijot ha Unnao bad ong ba ïa kane yn sa ai rai hapoh lai bnai.
Haba kyntait ban pdiang ïa ka jingkyrpad jong u Sengar uba tuklar ïa ka hukum jong ka 19 tarik u Kyllalyngkot, jong ka ïingbishar ba hakhlieh duh, ka kynhun nongbishar jong ka ri u Surya Kant, bad ki Justice Joymalya Bagchi bad N V Anjaria ki la ong ba ïa ka jingujor, lada don, ba la mudui da ki bahaïing jong u ba shah pynïap ruh dei ban shah bishar ha ka ïingbishar ba hakhliehduh.
U kpa jong katei ka khynnah kaba la shah leh beijot, u la shah kem katkum ka jingbthah jong u Sengar ha ka jingshah pynngat ha ka Arms Act bad u la ïap ha byndi ha ka 9 tarik, Ïaïong, 2018, namar ka jingshah thombor beiñ ha ki pulit. U Sengar u la rahbor ïa ka khynnah ri bad leh beijot ïa ka ha u snem 2017.
