Shillong, Rymphang 10
U Symbud Myntri Rangbah ba khmih ïa ka tnat pynroi sor (Urban Affairs) u Bah Sniawbhalang Dhar u la pynbna ba ki don katto katne ki projek ha sor Shillong kiba la jan dep bad la khmih lynti ba yn sa plie paidbah noh hadien ka snem mang tyngka.
U Bah Sniawbhalang haba kren sha ki nongthoh khubor u la ong ba ka jingpyntrei ïa ki bun tylli ki projek ki la ïaid shakhmat ha man la ki jaka bad pynpaw ruh ïa ka jingkyrmen ba yn lah ban pyndep ïa ki projek hapoh ka por ba la buh.
U la kdew ba ka Polo Shopping Complex ka la dep bad la dep ruh ban plie paidbah, katba ïa ka MTC ha Khyndailad la khmih lynti ban plie paidbah noh ha u bnai Jymmang ne Jylliew.
Shuh-shuh u la kdew ba ka jingpyntrei ïa ka New Secretariat ka dang ïaid shakhmat bad katto katne ki jaka ïeng kali la khmih lynti ban plie hadien u bnai Lber, u la ong “Nga tharai hadien u bnai Lber, yn sa plie ïa kiba bun tylli ki jaka pynïeng kali.”
