Jowai, Rymphang 10
U District Magistrate ka West Jaiñtia Hills District u la pyntip ba ka jingtih thliew khnai hapoh ka Jylla la shim ba ka long kaba ma ïa ki paidbah bad ïa ka mariang bad la khang ruh da ka National Green Tribunal naduh bnai Ïaïong 2014.
U la ong ba ka jingtih mawshun be-aiñ ka buh jingma kaba khraw ïa ka jingim briew (kumba la paw dang shen ba ka don ka jingtih dewïong beaiñ) bad ka jingpynjot ïa ka mariang kaba ym lah ban pynphai pat, bad ka wanrah ruh ka jingpynthut ka shongsuk shongsain ki paidbah.
Kumta khnang ban khang lad ïa ka jingtih dewïong beaiñ, ka jingkit bad bret beaiñ ïa u dewïong, u la pyntreikam da ka Section 163 jong ka BNSS ban khang ïa ka jingtih dewïong thliew khnai ha baroh ki jaka kiba hap hapoh ka jingsynshar ka West Jaiñtia Hills District.
La khang ruh ban shalan ne pynpoi ïa u dewïong khlem ka Challan kaba biang, ki kot ki sla lane ka laisen bala ai da ki bor ba dei peit.
Ka jingpynkheiñ ïa kine ki kyndon, kin shah pynshitom katkum ka kyndon 163 BNSS.
