Ka um ka long kaba kongsan tam eh ha ka jingim jongngi ki briew. Khlem ka um te khlem don ki kynja ba im. Kumta ïa ka jingmih ka um kaba tuid lyngba ki wahduid ha kylleng ki jaka bad leit tuid sha ki jaka them shaduh ki wah. Kaba iphylla ka long nangne kane ka um ka mih hato dei na trai ki lum ne napoh trai khyndew ne na khap ki syrtap mawsiang. Namar ka um ka wan bad ka mih bad ka kyrsoi napoh ba jylliew ka Meimariang. Bad ym dei ba ka um ka wan tang na u slap por lyiur. Ka umsaw te ka wan na u slap bah ha ka por lyiur ngi ithuh. Hynrei kum ki umpohliew kiba kyrsoi na trai khyndew bad ka tuid shapoh ki jaka them. Tang na ki umpohliew kiba rit ki pynlong um bah ym lah ban mutdur. Na ki wah duid barit ki kylla heh bad nangheh khlem sangeh. Ka tynrai ne tlong um imat ka dei na ki lum bah bad ki lumrit bad na ki syrtap mawsiang suki suki ka tuid sha ki phud wah ki pynlong pung um ba heh. Kumta ngim dei ban pynjot ïa ki tlong um bad ki lum ki wah, ki thliew ki batap kiba long ka tynrai ba ioh ban pynneh pynsah ïa ka um. Namar khlem ka um ngim lah ban im hangne ha sla pyrthei. Ka um kaba kongsan tam ha ka jingim jongngi ki briew.
C. B. Iawphniaw
