Shillong, Rymphang 10
Ki nongkitkam ka Balang Presbyterian Pungsaniang ha ryngkat ki nongïalam shnong ha ka 10 tarik u Rymphang, 2026, ki la pyntip sha ki paidbah ha kaba ïadei bad ka jingpynbeit ïa ka lynti ïaid na ka bynta ki nongwan sha ka Jingïaseng Samla Khasi Jaiñtia Presbyterian Synod Sepngi kaba 24, ka ban sa long naduh ka 20 haduh 22 tarik u Rymphang, 2026 ha katei ka shnong.
La ïadonlang ha kane ka sngi naduh u Rev D.H.L Nongbri, Chairman, Tbn. D Lawriniang, Secretary Shnong, u Bah O.Kurbah lem bad kiwei ki nongkitkam ka Balang bad ki nongïalam shnong ruh kumjuh.
Ban pdiang sngewbha ïa ki nongwan jingïaseng la buh ïa ki saw tylli ki surok na ka bynta kiba wan na East Khasi Hills, West Khasi Hills, South West Khasi Hills bad na kiwei ki bynta jong kane ka thaiñ.
Ki la pynbna ruh ym shah ban die jingdie ïa ki bar jylla ha katei ka jaka ba long Jingïaseng Samla KJP Synod Sepngi ha Pungsaniang.
Nalor kata, la bthah ruh ïa baroh ki Khasi ki ban sa wan shong die jingdie, ba kin sngewbha ban rah ïa ka Certificate Shnong, ki EPIC bad ban pyntip sha ka shnong khnang ba ka shnong kan ïoh ban ai jingbit shuwa ba kin shong dukan.
“Baroh kiba thmu ban shong dukan kin sngewbha ban wan mih ha ka 13 tarik mynta u bnai Rymphang 2026, naduh ka por 8:00 AM haduh ka por 1:00 PM, khnang ba ka shnong ka lah ban kdew lypa ïa ki jaka shongdie jingdie” ki la pyntip.
