Ka lynti bneng kaba shisha ka dei ka jingieit, ka jingïai shah ka jingïaieit para briew, ka jingsngur bad jingkhuid ha ka dohnud, ym kum ki jingïaseng ne ki jingleh niam bapher bapher ha ngi ki briew. Ki jingïaseng lei ki long ka lynti jingsarong, ka jingsngew hok bad ñiew beiñ ïa kiwei.Namar teng teng ngi iohsngew ba ki kylli phi long niam ne phim pat long niam.
Ki kylli kumne ka long lada phim pat long niam kin ong, Balei phin pdiang noh ïa u Blei ? Namar kiba smat jingïaseng ki sngew ba ym don shuh kum ma ki ha kane ka pyrthei kiba hok. Dei kane ba u Amos u briew jong u Blei u pynpaw da kaba ong, Nga isih nga ibeiñ ïa ki jingkhawai niam jongphi bad ngam ym sngewbha satia ïa ki jingïaseng ba kyrpang jongphi. Shuh shuh u ong, kordit ïaphi kiba kwah ïa ka sngi U Trai, namar balei phi kwah ïa ka sngi u Trai ka long ka jingdum, te ym ka jingshai (Amos 5 : 18 & 21).
Namar u briew um lah ban ioh diang eiei ruh em lymda la ai ha u na bneng (Ioannis 3 : 27). Hynrei ka por ka jia bad ka long mynta kein haba ki nongmane Blei kiba shisha kin ïa mane ïa u Blei ha ka mynsiem bad ha kaba shisha naba la ong ba u Blei ruh u wad ïa kiba kum kita ban ïa mane ïa u (Ioannis 4 : 23). Kane ka rukom Blei jongngi ka la hap ne em bad ka jinghikai ka ktien u Blei ? Namar ngi ki briew ngi ha kane ka pyrthei na ka bam bad U Mynsiem.
C. B. Iawphniaw
