Aizawl, Rymphang:
U Myntri Rangbah ka Mizoram, u Lalduhoma, un wanrah ïa ka mang tyngka jong ka jylla, na ka bynta u snem mang tyngka 2026-27, ha ka 26 tarik u Rymphang, la pynbna u Lamphang ka ïingdorbar thawaiñ, u Lalbiakzama, ha ka 10 tarik u Rymphang.
Kane kan dei ka mang tyngka kaba lai ba la wanrah da u Lalduhoma naduh ba ka Zoram People’s Movement (ZPM) ka la shimti ïa ka kam ha u bnai Nohprah 2023.
U Myntri Rangbah ka Jylla uba bat ruh ïa ka tnad pla tyngka un wanrah ïa ka mang tyngka ryngkat bad ki jingai jingïarap ba la pyndap na ka bynta u snem 2025-26 ha ka jingïalang ha ka 26 tarik u Rymphang.
U Lamphang u Lalbiakzama u la ong ba ka jingïalang jong ka Business Advisory Committee (BAC) ka la pynbeit ïa ka por ban pynlong ïa ka dorbar mang tyngka, ka ban sdang ha ka 17 tarik u Rymphang bad ban pynkut ha ka 16 tarik u Lber, kane ka dorbar kaba shibnai kan kynthup ïa ki 17 tylli ki dorbar. U Lat ka jylla u VK Singh un ai ïa ka jingkren kaba ju long ha ka sngi sdang jong ka dorbar. Ha ka 18 tarik u Rymphang, ka ïingdorbar kan ai burom ïa u nongthaw aiñ barim u KL Rochama.
Katkum ka jingong ki heh jong ka Assembly, ka Secretariat ka la ïoh 946 tylli ki jingkylli ba la buh khlur na ka bynta ki jubab da ka ktien bad 339 tylli ki jingkylli ki bym shym la buh khlur na ka bynta ki jubab ba la thoh ban buh ha ka miej jong ka ïingdorbar ha ka por kylli jingkylli.
Nalorkata, la wanrah lai tylli ki Amendment bill ban wanrah, kynthup ïa ka Mizo Marriage, Inheritance Property (Amendment) Bill bad ka Mizoram Local Bodies (Amendment) Bill.
Kane ka jingshong dorbar ban wan kan long ka dorbar kaba khyndai jong ka Mizoram Legislative Assembly.
