Los Angeles:
Ka Keira Knightley kan sa shim bynta ha ka phlim shutia ka ‘The Worst’ ha kaba ryngkat bad ka ha katei ka phlim yn ak lang da ka Alicia Vikander bad Jamie Dornan.Nalor jong kine 3 ha kane ka phlim yn ak lang ruh da ka Erin Kellyman bad yn direk da u Simon Woods.
Ka khana jong ka ‘The Worst’ kan dei halor ka Emily Fisher (Vikander) bad u kurim u Max kiba la khot sngewbha ïa ki paralok ba riewspah jong ki sha ka jing-leh kmen kaba long ha ka ïingsah jong ki ha France.
Nalor jong kine shijur, kiba la shah khot sngewbha sha kane ka jinglehkmen ki dei ruh ki shijur kiba ym lah satia ban shah ne ban pynïadei iwei ïa iwei pat.
Dei ruh ha ka por ba kane ka jingleh sngewbha ka la shongshit bha ba kawei ka nongrah bam ka Niamh (Kelly man) ka lap ïalade hapdeng ka kynrum kynram kaba jur bha. ïa kane ka phlim yn pynmih lyngba ka Protagonist Pictures bad Logical Pictures International (LPI) bad ïa khana yn thoh da u Woods bad yn ïarap ruh ban pynmih da u Andy Berg bad John Sachs lyngba ka Eclipse Films ha ryngkat u Josh Hyams na ka bynta ka Promise Pictures.
