Ottawa, Rymphang:
Ha kane ka jingjia ba sngew shyrkhei, la ong ba 10 ngut kynthup lang ia u nongthombor, ki la duh ei noh ia ka jingim ha kawei ka skul jong ka ri Canada, ha kaba 25 ngut kiweip at ki la mynsaw ha katei ka jingjia kaba la jia hapoh British Columbia ha ka Sngi Balang.
Ka tnat pulit Royal Canadian Mounted Police (RCMP) ka la iathuh ba ka suba don kti ha katei ka kam thombor, ka dei kawei ka briew kaba don ia u ñiuhkhlieh ba rong ktieh, kaba la kyllon iap ha madan ha ka por ba ki pulit ki leit poi sha katei ka jaka bad ia kaba la ngeit ruh ba katei ka briew ka la siat khatduh ïalade ynda haba ka la dep ban leh ia katei ka kam thombor ha katei ka sngi.
Ha katei ka sngi, la lap ia 6 ngut kiba la khlad lypa naduh katei ka jaka ba katei ka jingjia ka la jia. Katba uwei pat u la khlad noh ha shiteng lynta bad ia ki 2 ngut pat la lap na ka jaka sah jongki hajan jong katei ka skul. Ia 2 ngut pat la rah noh da ki liengsuiñ ha ryngkat ki jingmynsaw jur kiba ap jingma ia ka jingim jongki hadien ba ki la ngat ha katei ka jingjia.
