Shillong, Rymphang 12
Ka Sorkar India lyngba ka Food Corporation of India (FCI), kan pyllait ïa u khaw pyrsit (broken rice) ha ka Open Market Sale Scheme (D) [OMSS(D)]. Ïa u khaw yn pyllait ha ka dor ba la mang lypa kaba long Rs. 2890/- shi quintal (25% broken rice) bad Rs. 3090/- shi quintal (10% broken rice) ka dor ba la pynkylla naduh 1 tarik Naiwieng 2025 ha baroh ka Ri India ha ryngkat ki khajna ba dei ban siew.
Khnang ban lah ban pynïaid ïa kine ki khaw pyrsit (broken rice) ha ka OMSS(D), la dep shim ïa ka rai ban ailad ïa ki ‘bidders’ napoh ka Jylla Meghalaya ba ki long kiba lah ban ïashim bynta ha ka jingdie lilam ïa u khaw pyrsit (broken rice) kaba la pynlong ha ki Jylla jong ka Punjab, Haryana bad Andhra Pradesh.
Ka FCI ka khot bad pdiang sngewbha ïa baroh ki ‘stakeholders’ bad ki ‘bidders’ sha kane ka jingdie lilam ïa u khaw pyrsit (broken rice) lyngba jong kane la pyntip shai ruh ba kam don ka jingkhanglad ïano-ïano kiba kwah ban ïashim bynta. Kino-kino kiba kwah ban ïashim bynta ki lah ban ai ïa ki kot ki sla ki ba ïahap katkum ki kyndon ba la buh.
Hapoh kane ka skhim, la shah bad ailad ïa baroh ki nongkhaïi nongïadie ïathied, ki nongshna ïa ki mar khaw ban ïashim bynta. Kane ka sienjam ka long ban kyntiew ïa ka jingdon bad jinglah ban pynïaid ïa u khaw ha kylleng ka Ri, da ka jingthmu ban pynbeit ïa ka dor ha ïew bad ban ïada ïa ki jingmyntoi jong ki nongthied.
Ïa ki jingtip ba kham bniah ha kaba ïadei bad ki por die lilam, ki kyndon bad ki jingpynbeit, ki ‘bidders’ ki lah ban leit sha ka website jong ka FCI (www.fci.gov.in) lane ban ïakynduh ïa ka ophis jong ka FCI ha Mawlai Mawroh, Shillong lane sha u Manager (Commercial) bad sha ka Ophis jong ka FCI Divisional, Mawlai Mawroh 793008.
