Shillong, Rymphang 12
Ka Nationalist Congress Party (NCP) ka la pynpaw ba ka long kaba kloi ban pdiang ïa u Myntri Rangbah Barim ka Jylla U Dr. Mukul Sangma sha ka party ha shuwa ka ilekshon 2028 da kaba kdew ba ka jingkhang ka party ka plie na ka bynta ban pdiang ïa ki nongïalam kiba la bit ban ïalam ïa ka Jylla.
Haba kren sha ki nongthoh khubor u President ka NCP Megha laya Unit u O.K Sangma u ba long u MLA barim ka Kharkuta Consti-tuency u la ïathuh ba ka party ka la ïai-trei ban pynkhlaiñ biang ïa ka party da kaba kan ïaleh ban sei ïa ki nongïalam kiba tbit ban trei bad kiba don ïa ka mynsiem ba noh syn-ñiang ha ka roi ka par jong ka Jylla.
Haba ïadei ka ilekshon u O.K Sangma u la pynpaw ba ka jingïoh ïa ka jingjop ha ka ilekshon ka shong ha ka rai bad ka jingjied jong ki paidbah bad bynrap ba ka party ka dang ïaleh ban pynskhem ïa ka jingïakhun na ka bynta ban ai ka jingshakri ïa u paidbah.
Shuh-shuh u la ong ba ka party ka la pynmih bun ki nongmihkhmat hapoh ïingdorbar, ka NCP ka dei ka party kaba ym don dak sniew eiei, hynrei haba ki MLA ki la phet noh na ka party ym lah leh eiei bad mynta ki paidbah ki kyrpad ban pynkhlaiñ biang ïa ka party ha ka Jylla.
Ka party ka khot ka wer ïa ki paidbah kiba don shisha ka mynsiem ban ïa treilang bad ban kyntiew ïa ka party, ba kin wan shakhmat sha ka party bad ka party ka long kaba kloi ban ïatreilang na ka bynta ka bha ka miat u paidbah ba bun balang.
