Itanagar, Rymphang:
Kum ka sienjam ban kyntiew ïa ka jingkhuid jingsuba bad ka jingpynsngewthuh ïa ka mariang, la pynlong ïa ka jingïalang pynkhuid imlang sahlang da ka mon sngewbha ha ka sor Koloriang jong ka Kurung Kumey distrik, kaba ha Arunachal Pradesh, ha ka 11 tarik u Rymphang, hapoh ka jingshimkhia jong u District Tourism Promotion Chairman bad u nongthoh khubor u Nangram Kayang.
Kumba 10 ngut ki samla ki la ïashim bynta shitrhem ha kane ka jingïalang bad ki la pynkhuid palat 1,600 kilo ki jaboh na ki bynta bapher bapher jong ka jaka treikam jong ka distrik, kaba la pynbha shibun ïa ka jingkhuid jingsuba bad ïa ka dur jong ka sor baroh kawei.
Haba kren ha kane ka sngi, u Kayang u la ban jur ba ka jingïashim bynta lang jong ki paidbah ka long kaba donkam bha na ka bynta ban pynneh pynsah ïa ka jingkhuid jingsuba bad ban pynthikna ïa ka jingpynneh pynsah ïa ka mariang.
U la ong ba kum kine ki jingthmu ki ïarap ban pynmih ïa ka jing-sngewthuh bad pynrung ïa ka jingsngew kitkhlieh kum ki nongshong shnong.
U la pynbna ruh ba mynta yn pynlong ïa ka jingpynkhuid hi ha man la ka sngi Saitjaiñ kaba ar ha Koloriang, da ka jingthmu ban pynkylla ïa ka jaka sah jong ka district sha ka sor kaba khuid bad kaba jyrngam.
