Kane ka kdew ïa ngi ki briew kiba shong basah bad ba im bad ba ïap ha kane ka sla pyrthei. Bun na ngi ki briew haba la kynjoh ka rta 80 snem sha jrong ka la dei ka por ba ngin ïehnoh ïa kane ka sla pyrthei. Te ki Paieid, ki Meiieid, ki longshuwa ki manshuwa, ki tymmen ki kro baroh kiba la khlad noh na kane ka pyrthei naduh ki bun phew snem mynshuwa shano ki ïa leit ? Hato ki la leit sha bneng ? kumba ïa kren ïa khana ma ngi kiba dang im, Em, katkum ka ktien u Blei ka ong kumne :- To ym don uba la leit kiew shabneng, hynrei tang uta uba la wan hiar na bneng (Ioannis 3 : 13). Kane ka shai kdar ba ym pat don uwei ruh na kiba la ïap noh kiba la ioh leit kiew sha bneng. Baroh kiba la ïap ki dang don hapoh ka dewmet ba la tap ïa ki.
Kane ka mut ym don jingpynim ïa ngi ki briew ynda la ïap. Ka jing-ong ba ngin ioh jingpynim ka long ka jingkren pynkmen tohhoh jongngi ki briew bad ki jinghikai bakla jong ka niam. Namar shisien ba la ïap ym lah shuh ban ioh im biang lano lano ruh.
Hynrei kum ki briew te ngi khmih lynti bad ngi kyrmen ba ngin sa ïa kynduh biang ïa kiba ieit ba thoiñ ha ka akher ka sngi.
Kane ka long tang ka jingmut dur jongngi ki briew. Hynrei u Blei u la buh ïa ka jingïap naduh ba la thaw ïa ka bneng bad ïa ka khyndew bad ïa kiei kiei kiba don ha ka. Bad ym don jingpynim shuh ïa ngi ki briew haba la lap.
C. B. Iawphniaw
