Nongstoiñ, Rymphang 12
Ha kawei ka jingjia aksiden kali kaba la jia ha ka 11 tarik u Rymphang, 2026 kawei ka kali Alto K-10 kaba la ñiah da u Bah Fromningstar Wanñiang, 34 snem ka rta ka la leit ban tynrah ïa uwei u ‘riew tymmen uba la 68 snem ka rta kat haduh ba un da khlad noh.
Katkum ka khubor na u Superintendent of Police ka West Khasi Hills, u la ong ba katei ka jingjia ka la jia ha kawei na ki jaka jong ka Nongjyllieh, West Khasi Hills bad la ong ba katei ka kali ka dei kaba dang wan na ki thaiñ Nongstoiñ bad thmu ban leit sha Byrki, WKHD katba utei u rangbah u dang ïaid lynti na katei ka jaka.
Shuh shuh u SP u la ïathuh ba halor katei ka jingjia na ka liang jong ki pulit kila register ïa ka case hapoh Nongstoin Police Station.
