Shillong, Rymphang 13
U Devesh Kumar u ba dei u MLC ka Bihar u ba long ruh u Convener ka Budget Publicity Campaign ha ka thaiñ Shatei Lam Mihngi, u la ban jur ïa ka jingdonkam ka jingkyrshan jong ki trai shnong na ka bynta ban pynïasoh lynti rel ha ki lai tylli ki Jylla ka thaiñ ba kynthup ruh ka Meghalaya.
Haba kren sha ki nongthoh khubor ha Shillong ha ka sngi Thohdieng u Kumar u la pynpaw ba u Myntri Rangbahduh ka Ri u kwah ba kawei pa kawei ka Jylla jong ka Ri ba kin don ïa ka jingpynïasoh lyngba ka lynti rel, hynrei ban lah ban leh ïa kane, ka donkam pat ka jingkyrshan bad ka jingïatreilang ki trai nongshong shnong.
Shuh-shuh u Kumar u la pynpaw ïa ki jingïoh jingmyntoi ka Jylla Mizoram, kaba dei ka Jylla ba dang ïoh shen ïa ka jingpynïasoh lynti rel bad bynrap ba sa tang lai tylli ki Jylla bym pat don ka jingpynïasoh lynti rel ha ka thaiñ Shatei Lam Mihngi jong ka Ri bad ka Sorkar Pdeng ka kwah eh ban pynïoh lynti reh ha kitei ki Jylla da ka jingïatreilang ki trai shnong. Ka nongaiktien ka BJP ka Shazia llmi ka la pynpaw ïa kane kajuh ka jingsngew bad ong “Ki kam ki la sdang bad ngin sa pynthikna ban ïarap lang kumjuh, ngi kmen shisha ba baroh ki Jylla kin ïasoh lynti rel noh”.
