Shillong, Rymphang 15
U Nongïalam ka Liang Pyrshah ha Khasi Hills Autonomous District Council (KHADC) u Bah Titosstarwell Chyne u la ong ba ki dkhot kiba shong ha ka liang pyrshah kin sa wanrah ïa ki mat ban ïatai ynda la long ka dorbar ka ban sdang ha 18 tarik mynta u bnai Rymphang.
Haba ïakren bad u Bah Titos Chyne u la ïathuh ba ki dkhot ka liang pyrshah kin nym don kano kano ka mat ban ïapynkhreh lypa hynrei kin sa wanrah beit ynda la sdang ka dorbar ka KHADC.
Ka VPP kaba la bat ïa ka bor synshar ha KHADC ka la dap shisnem katba ka UDP bad NPP kiba ju bat ïa la ka bor synshar mynta la shisnem ki la shong ha ka liang pyrshah.
Ka VPP kaba la bat ïa ka bor synshar ka la ïoh ban bujli ar ngut ïa u Chief Executive Committee kata nyngkong ki la jied ïa u Bah Shemborlang Rynjah bad hadien katto katne bnai ki la jied ïa u Bah Winstone Lyngdoh uba la bteng haduh mynta.
