Shillong, Rymphang 15
Ka Khasi Students’ Union, South West Khasi Hills District ha ryngkat ka jingïadon bynta lang jong ka Khasi Students Union (KSU) Lawbah Border Circle bad ka K.S.U Jaïaw Circle, hapoh ka jingialam jong u Samla Jied Nongsiej (General Secretary KSU SWKD), ha ka 14 tarik u Rymphang, 2026, lyngba ki bynta treikam bapher-bapher, ka la leit ban ai jingïarap sha ka longïing jong i Kong Pynshailin Phenwanroi kaba shong ba sah ha ka shnong Thieddieng, Mawynram.
Kane ka leit noh jingïarap jong ka KSU, ka long shi bynta na ka jingangnud jong ka District ban kyrshan ïa ka longïing kaba shem lanot ha ka jingbam duh noh jong ka ding ïa ka ïing sah ka jong ka.
Ha kane ka jingleit jurip bad ai jingïarap, ki nongïalam bad ki dkhot na ka District, Circle ki la noh jingïarap kiba kynthup ïa ki tiar jingïarap ba man ka sngi bad kiwei kiwei ki jingdonkam ba ka iing ka sem ka donkam.
