Shillong, Rymphang 15
Ka tnad Animal Husbandry & Veterinary (AH&V) jong ka Sorkar Meghalaya ha ka taïew ba la dep ka la pynlong ïa ka jingïalang na ka bynta ka National Level Monitoring Team (NLMT) na ka Sorkar India, New Delhi, ha ophis Director, ka tnad Animal Husbandry & Veterinary, Shillong.
Ïa kane ka jingïalang la pynïaid da ka Dr. (Ms.) A. Chyne, Director ka tnad Animal Husbandry & Veterinary ha ryngkat ka jingdonlang u Dr. M.D. Sharma (ISS), Deputy Director & Nodal Officer na bynta ki Central Sector Scheme, lem bad ki heh ophisar ka tnad bad nongmihkhmat na ki tnad ba don bynta ban pyntreikam ïa ki.
Ka National Level Monitoring Team (NLMT), kaba kynthup ïa u Dr. Mihir Mondal (NLM, DAHD) bad u Dr. Mahesh Katara, National Level Monitoring ba la jied da ka DAHD ban wan jngoh ïa ka Jylla ban khmih bniah ïa ka jingïaid shakhmat jong ki skhim bapher-bapher ba la kyrshan da ka Sorkar Pdeng ba la pyntreikam da ka tnad.
Ki 4 tylli ki skhim kiba hap ban khmih bniah, kata ka Rashtriya Gokul Mission (RGM), ka National Livestock Mission (NLM), Livestock Health & Disease Control Programme (LHDCP), National Programme for Dairy Development (NPDD), bad kiwei-kiwei ki jingthmu pynroi jingri kiba ïatreilang ha ka jingwan jngoh jong ki, naduh ka 12 tarik haduh ka 16 tarik Rymphang, 2026.
Ka kynhun jong ka NLM kan pynlong ruh ïa ka jingleit jngoh ‘Field Visit’ ïa East Khasi Hills, West Khasi Hills, bad West Garo Hills ban jurip ïa ki jaka ba pyntrei ïa ki projek, ban ïakren bad ki nongïoh jingmyntoi, bad ban khmih bniah ïa ka jingtreikam jong ki skhim ha ki shnong ki thaw.
Shuh shuh ka jingleit jngoh ka thmu ban pynkhlaiñ ïa ki rukom peitngor, ban pyntikna ïa ka jingkhuid bad jingkitkhlieh, bad ban ai jingmut ban tei na ka bynta ban pynbha shuh-shuh ïa ki prokram ri jingri ha Meghalaya.
Kane ka long ka kyrwoh na ka Dr. (Ms) A. Chyne, Director A.H & Veterinary, Meghalaya, Shillong.
