Shillong, Rymphang 16
Ka National People’s Party (NPP) ha ka sngi Nyngkong ka la pynbna ïa ka thup kyrteng ba nyngkong ba ka State Election Committee ka la mynjur ïa ki 24 ngut ki kyrtong ki ban ïa aireng sha ka ilekshon MDC jong ka Garo Hills Autonomous District Council (GHADC).
Haba kren sha ki nongthoh khubor u Marcuise N Marak u nongaiktien jong ka NPP u la pyntip ba ha kane ka thup kyrteng ba la pyllait, ka party ka la mynjur ban ai tiket ïa u Calis G Momin na Siju Constituency, u Jewil S Marak na Wagesik, u Sengchim N Sangma na Gasuapara, u Kapilson A Sangma na Barengapara, u Rakesh A Sangma na Babelapara, u Balsrang Arengh na Amongpara, u Charmingstar N Sangma na Tura, u Kredithson Ch Marak na Dengnakpara, u Linekar K Sangma na Nogorpara, u Sanjay A Sangma na Zikzak, u Sanjay Koch na Betasing, u Arbinstone B Marak na Rochonpara, u Anseng A Sangma na Asananag, u Andresh Ch Marak na Balachanda, u Maxwell M Sangma na Batabari, u Peterjop A Sangma na Shyamnagar, u Grahambell A Sangma na Jengjal, u Sunny Rogers G Momin na Rongrong, u Pongseng R Sangma na Bolsong, u Dolly K Sangma na Damas, u Mody M Sangma na Kharkutta, u Nihim D Shira na Samandagre, u Henen R Sangma na Darugre bad u Sengbath R Marak na Williamnagar Constituency.
U Marcuise u la ong ba ka party kan buh kyrtong ha baroh 29 tylli ki Constituency bad ïa ki 5 tylli ki Constituency ba kynthup ka Raksamgre, Naguapara, Bocdamgre, Silkigre bad Rongrikkimgre Constituency, ka party ha kine ki sngi ban sa wan kan sa pynbna pat ïa ka kyrteng jong ki kyrtong.
U la pynpaw ruh ba ki bun bha kiba pan tiket na ka party, hynrei ka party ka la pynlong ïa ka jingpeit bniah ïa ki kyrtong kiba lah ban jop ha ka jingïakhun ïa ka ilekshon MDC ha GHADC.
