Ngi ki briew ha satlak ka pyrthei ngim da don ka jingïapher ha ka jingim ha kane ka pyrthei. La ngi long niam ne ngim longniam, la ngi riewspah ne ngi duk ioh kajuh ka jingpynshitom na u nongthaw nongpynlong ïa ngi ki briew. Kum ki briew ngi trei ngi ktah katba ngi dang khlaiñ dang shait ha ka met ka phad.
Kum ki briew ngi don kiba duna ka jingtip jingshemphang, don de kiba nang ba stad, don kiba ioh ba kot don ruh kiba shu im kamai jakpoh hangne ha pyrthei. Hynrei ym don uba lait na ka jingïap kaba long ka nongshun kaba khraw tam ha ka jingim jongngi ki briew. Ka jingïap ka rat naphang lin ïa baroh khlem ai lad ne kylli na kaei ka daw ba ka jingïap ka wan thom ha ka jingim jongngi ki briew. Ki High level, ki syiem, ki patsha ne ki nongkhrong ki ioh kajuh ïa kane ka sni jong ka jingïap. Ym don uwei ruh uba lait na kane ka jingïap. Ha ka jingngeit khristan ka jingïap ka long ka pop. Dei kane ka pop ba ngi ki briew ngim lah ban kiar katba ngi dang im ha kane ka sla pyrthei.
Uba tlot bor ne uba khlainbor u ioh kajuh ka hok kumba ioh lem baroh. Ka jingïap ka dei ka jingpynshi-tom ïa ngi ki briew da u nongbuh nongthaw ïa ngi ki briew. Ngi lah ban dei ki kynthei briew ne ki shynrang briew ym don ba lait ha kane ka jingïap. Kaba la don naduh kulong kuman hangne hapoh pyrthei. Ym don bor briew ba lah ban ïada na kane ka jingiap. Shisien ba ka la wan khot ym don uba lah ban ïaleh pyrshah. Phi long Doktor ne phi long nongïalap niam baroh phi hap ban pyndem ha khmat kane ka apot ne ka jingiap. Ka jingiap ka dei ka bor u Blei ym ka bor jong no jongno kaba mih na kane ka pyrthei. Haba pynkut ïa kane nga shim ba ka jingïap ka long ka jingpynshitom ba khadduh ïa ngi ki briew kiba im ha kane ka pyrthei.
C. B. Iawphniaw
