Lucknow, Rymphang:
U nongïalam jong ka seng Samajwadi Party, uba la 48 snem ka rta, u la khlad noh, hadien ba u nar pynïeng sainar ilektrik uba heh bha, u la khyllem ha ka kali jong u, ha Uttar Pradesh, kaba don ha Pratapgarh distrik.
U Lal Bahadur Yadav, u dang ñiah ïa ka kali jong u ha ka pump ha kaba kynsan kynsan u nar u la khyllem ha ka kali jong u bad u la khlad hashen.
Katkum ka jingpaw ha ki durkhih, la sakhi ïa ka jingkhyllem kynsan utei u nar ha ki bynta ba shakhmat jong ka kali Hyundai Creta.
Ha kane ka por, ka ïit kali ba shakhmat bad ka jaka bashong u nongñiah ka la julor jur bha.
Ki Airbag ki la don, hynrei ka jingtied jong u nar ka la jur shaba palat ha kaba kim shym lah ban pyllait im ïa u Yadav.
Ki ar tylli ki kali arshaka, bad kawei ka e-rickshaw ki la don ha marjan jong katei ka jaka naba ki la bud nadien ka kali jong u Yadav, hynrei kine ki la lait na ki jingtakhuh para ma ki bad ki jingmynsaw naba ki la lah ban pynsangeh ïa ki kali jong ki ha ka por kaba biang ha katei ka por.
Hadien kane ka jingjia, ki bahaïing hasem bad ki nongkyrshan jong u Yadav, ki la pyrshah ïa ki bor pynïaid jong ka Fuel pump, da kaba kynnoh ba ki la leh khlem akor ban pynïeng ïa u nar pynïeng sainar ilektrik.
Ki pulit ki la shimti ïa ka met jong u Yadav bad ki la bteng ban leh ïa ka jingkhmih bniah.
Ka bor pynïaid distrik, ka la bthah ban tohkit da laba bniah halor kane ka jingjia.
