Shillong, Rymphang 17
Ka Garo National Council (GNC) ka la pyllait ïa ka thup kyrteng ba nyngkong jong ki hynñiew ngut ki kyrtong na ka bynta ka ilekshon sha Garo Hills Autonomous District Council (GHADC), kaba la buh ban pynlong ha ka 10 tarik Ïaïong.
Ka kyrteng ki kyrtong ba la pyllait da ka GNC ki long u Augustine R Marak na Silkigre, u Nikman Ch Marak na Rongrikimgre, Jakrak A Sangma na Amongpara, Deson Marak na Dengnakpara, Geobar B Marak na Asanang, Sengba D Sangma na Rongrong bad u Chibasai Lampard R Marak na Williamnagar Konstitwensi.
“Ka seng ka dang plie ïa ka jingkhang na ka bynta ki kyrtong kiba don jingthmu ban ïakhun ban pyndap ha ki konstitwensi kiba dang sah,” la ong ka kyrwoh kaba la pyllait da u Vice President ka GNC u Henyshing A Sangma.
