Bengaluru, Rymphang:
U Myntri Rangbah ka jylla Karnataka, u Siddaramaiah, uba la pynkhreh lut ban wanrah ïa ka mang tyngka kaba 17 ha ka 6 tarik Lber, u la ïakynduh ïa ka jingeh kaba khraw hapoh ka seng Congress halor ka jingmang pisa na ka bynta ka jingpynroi ba kyllum ïa ki Scheduled Castes (SCs) bad Scheduled Tribes (STs).
U Siddaramaiah u la khot ïa ka jingïalang jong ki MLA ka Congress na kitei ki kynhun ban shim ïa ki ha ka jingshaniah ha kaba ïadei bad ka jingmang pisa. Ka sorkar ka mang 24.1% na ka mang tyngka na ka bynta ka bha ka miat jong ki SC bad ST hapoh ka Karnataka Scheduled Castes Sub-Plan bad Tribal Sub-Plan Act.
Kane ka aiñ ka la treikam ha u snem 2013 bad ka sorkar ka kular ban buh kyrpang 24.1% na ka mang tyngka baroh sha kine ki kynhun katkum ka jingbun briew jong ki.
Katkum ka jingong jong uwei u heh nongïalam jong ka Congress, ki nongthaw aiñ na kine ki kynhun ki la dawa ba u Myntri Rangbah un buh kyrpang ïa ki Grant na ka bynta ki SC bad ki ST bad ba ym dei ban pynkylla ïa ki ban pyntreikam ïa ki skhim ba la kular ban pyntreikam.
“Ki MLA kim lah ban ïoh ïa ki Grant ba la mynjur wat na ka bynta ki skhim kum ka Ganga Kalyana ha kaba la tih ïa ki pung ban ksam um bad ban pynbiang ïa ki tiar na ka bynta ki Pump khnang ban pynsuk ha ka ban pynïoh ïa ka umdih, kaba long ka daw jong ki jingeh ha kine ki konstitwensi. tyllong um bad pynbiang ïa ki pumpset ban pynduna ïa ka jingeh ha ka um dih ha ki konstitwensi jong ki.
Na ka jingsngewrem halor kane, ki la pynbor ïa u Siddaramaiah ba un pyntikna ha ka ban ai ki jingkyrshan na ka bynta ki jingmyntoi jong kine ki kynhun ha kane ka mang tyngka kaba mynta u snem.
Kine ki jingai jingkyrshan kim dei ban duna ne ban kylla na ka bynta ban pyntreikam ha kine ki skhim.
Kane ki jingpynbor jong ki MLA ka lah ban ktah ïa ka kyrdan jong u Siddaramaiah kum u nongïalam jong ka Alpasankhyataru, Hindulidavaru, Dalitaru (Ahinda – ki kynhun ritpaid, kiba dang sahdien bad ki Dalit),” u la ong.
Ka State Convener jong ka Dalit Sangarsh Samiti (DSS) ka Mavalli Shankar ha ka jingïakren bad ki nongthoh khubor ka la ïathuh ba ka seng Congress ka la pynbna ïa kine ki skhim ai jingmyntoi ha ka por ba buh ïa ki mat treikam na ka bynta ki briew na baroh ki kynhun.
“Haba pynbna ïa ka jingpynbna, ka seng kam shym la kdew ba kan pynkylla ïa ka pisa jong ka SCSP bad ka TSP sha ki skhim ai jingmyntoi lada ka wan ha ka bor.
Ka jingthmu jong kane ka aiñ ka long ban pynkupbor ïa ki SC bad ST bad ban pynthikna ïa ka jingroi jong ki.
Kawei pat ka jingthmu ka dei ban pynduna ïa ka jingïapher hapdeng ki SC bad ki ST bad kiwei pat ki kynhun lada dei ha ka jingwanrah ïa ka roi ka par.
Ka pisa ba la mang ka dei ban pynlut ha ka liang ka pule-puthi, ka koit ka khiah bad ka jingai kam aijam sha kine ki kynhun. kum dei ban pynkylla na ka bynta ban pyntreikam ha kine ki skhim ai jingmyntoi,” u la ong. Bun ki nongthaw aiñ na kine ki kynhun ki la kylla long ki Myntri. U Siddaramaiah u la pynbna T.34k klur, T.39k klur bad T.42k klur na ka bynta ki SC bad ST na ka bynta u snem 2023-24, 2024-25 bad 2024-26.
Hynrei ïa ka bynta kaba khraw la pynkylla sha ki skhim ai jingkyrshan kumba la kular. Ka Congress ka don palat 32 ngut ki MLA na kine ki kynhun.
