Shillong, Rymphang 18
Ka Executive Committee (EC) jong ka Khasi Hills Autonomous District Council (KHADC) ha ka sngi sdang ka Dorbar Mang Tyngka jong ka Council ka la wanrah ïa ka Mang Tyngka kaba T. 36,99,83,830.
Ïa kane ka jingmang tyngka na bynta lai bnai lane ka Vote on Account jong u snem 2026-2027 ka ban treikam naduh ka 1 tarik u ïaïong 2026 haduh ka 30 u Jylliew 2026, la wanrah da u Executive Member ba peit ïa ka tnad Finance u Bah Seiborlang Warbah.
Ha kane ka Mang Tyngka jingpynlut kaba lai bnai la mang na ka bynta ki tnad treikam jong ka Council, ha ka General Administration Department kaba long T.9,14,51,600, ha ka Law Department T. 18,53,920, ha ka Revenue Budget & Finance Department T. 2,76,64,360, ha ka Forest Department T. 2,84,41,860, ha ka Administrative of Justice & Judicial Department T. 1,80,43,850, ha ka Legislative Department T.2,36,39,150, ha ka Education Department T.4,11,520, ha ka Civil Work & Development Department T. 16,24,94,700 bad ha ka Enforcement Scheme for Protection of Tribal Land & Interest Department T. 1,59,82,870.
Haba shim kyllum lang halor kane ka jingmang pisa pynlut hapoh kine ki lai bnai ka long ha kaba siew tulop ïa ki dkhot jong ka Council, ki Ophisar, ki Nongbishar, ki Nongtrei ha ki tnad treikam bapher-bapher kynthup ruh ïa ki nongtrei kiba la shongthait jong ka Council bad ba kynthup lang ïa ki jingpynlut na ka bynta ki kam pynroi nalor kiwei-kiwei pat ki jingdonkam kiba ka Council ka dei ban pynlut.
