Shillong, Rymphang
U Chief Excecutive Member (CEM) ka Khasi Hills Autonomous District Council (KHADC) u Bah Winston Tony Lyngdoh haba jubab ïa ka jingkylli ba la wanrah da u MDC ka Laban Constituency u Bah Ricky Shullai u la ïathuh ba ki don haduh 73 tylli ki Trading License ba la ai sha kiba khaïi dohkha.
U CEM haba jubab shuh-shuh ïa ka jingkylli ba la bynrap ba la buh da u Bah Ricky, u la ïathuh na ki 73 tylli ki Trading License ki 5 tylli ki dei kiba la ai ha ki briew kiba hap hapoh ka Laban Constituency.
U Bah Ricky haba bynrap, u la pynpaw ïa ka jingsngewkhia halor kane bad u la buh ka jingkyntu ïa u CEM ba dei peit ban shimkhia haba ïadei kane na ka bynta ka jingbha bad kyrpad ruh ïa u CEM ba un phah lem ïa ki jingtip ba bniah jong kine ki 5 tylli ki Trading Licence ba la ai ha ki briew ba hapoh jong ka Constituency.
Nalor kane u Bah Ricky u la pynpaw ruh ba ki la don ki nongkhaïi ba pyneh da kaba kyntait ban shim Trading License na District Council bad pynpaw ba kin shim Trading License napoh Municipal bad buh jingkylli ba ha kano ka lynti ba ka EC kan shim halor kane.
