California, Rymphang:
Ki bor pyniaid ka California ki la ai jingkheiñ thymmai halor ka jingdon kiba khlad napdeng kito kiba la jah rngai baroh ha ka jingtwa u Lum thah jong katei ka ri ha kine ki khyndiat sngi ba la leit.
Kumta, na ka liang ki tnat iarap bad ki kynhun ba leit wad ia kitei kiba shah tap ha u thah jong utei u Lum ‘Castle Peak’, ki la iathuh ba hadien ka jingwad shitom jongki ia kitei ki 9 ngut kiba jah, la lap ia ka met jong ki 8 ngut kitei kiba jah rngai, ha kaba ia ki 6 ngut kiwei pat la ioh ban pyllait im noh ha kitei ki sngi ba jia katei ka jingjia bad 2 ngut napdeng jongki, la pynkit sha ka jakasumar kaba don ha katei hi ka nongbah.
Kumta, ki bor pyniaid bad ki tnat ba dei khmih, ki la pyntip ba tad haduh kane ka kynti ruh kim pat sangeh ban phah wad ia utei uwei pat ba dang jah rngai napdeng kitei ki 9 ngut kiba ia jah rngai lang bad u, ha katei ka sngi ba tuid u thah ha utei u Lum.
