Jowai, Rymphang 19
Ki pulit ka West Jaiñtia Hills ki la pynmih da ka jingpynbna paidbah kaba bthah ïa u Elias Shylla, 22 snem rta ba u dei ban wan mih hakhmat ka ïingkashari Special Judge POCSO, Jowai ha kaba ïadei bad ka POCSO case.
Kane ka jingthwet ka la wan long hadien ba u Elias u la phet rieh na ki pulit bad kyntait ban wan mih sha ka ïingkashari ban ai jubab halor ki jingkynnoh ba la pynngat pyrshah ïa u.
Kumta ka ïingkashari ka la bthah ban pynmih ïa kane ka jingpynbna paidbah hapoh ka kyndon 82 Clause 2(3) jong ka CrPC.
Na ka liang u Superintendent of Police ka District u la kyntu ïa kino-kino kiba don jingtip ha kaba ïadei bad une u briew kin sngewbha ban pyntip shapoh ka Women Police Station, West Jaiñtia Hills lane sha ki thanad kiba don marjan.
