Shillong, Rymphang 20
Ka lympung 5th District League T20 Cricket Tournament 2026 jong ka East Khasi Hills Cricket Association ha ka sngi ba 3 ka la bteng da ka jingïalehkai ba 5 hapdeng ka Friends United pyrshah ïa ka Nayabasti Youth Club. Ha ka jingkynting pisa la ïoh kam trai da ka Friends United kaba la jied ban tied shuwa. Ka Friends United ka la ïoh 121 ron. U Nangkiewkor Moore u la ïoh 30 ron bad u Sajib Debnath u la khur 2 wiket.
Ha kaba beh ïa ka thong ka Nayabasti Youth Club ka la ïoh 123 ron, u Swapon Chakraborty u la ïoh 21 ron bad u Byran Mac Millan Marbaniang u la pynhap 3 tylli ki wiket.
Ka Nayabasti Youth Club ka la jop noh ha ka jingïalehkai da 1 wiket bad ïa ka nam ‘Player of the Match’ la ïoh da u Swapon Chakraborty.
Ha ka jingïalehkai ba 6 ka Royal Challenge Mawsynram kala ïakhun pyrshah ïa ka Pomshutia CC. Ka Pomshutia CC, ka la kam trai ha ka kynting pisa bad ka la jied ban tied hadien.
Ka Royal Challenger Mawsynram ka la ïoh 99 ron, u Riche Hess Shangpliang u la ïoh 16 ron bad u Skhemborlang Khongbteptook u la pynhap 3 wiket.
Ha kaba beh ïa ka thong ka Pomshutia CC ka la ïoh 100 ron, u Shembhalang Pyngrope u la ïoh 38 ron bad u Damelamshuwa Nongsiej u la khur 1 wiket.
Ka Pomshutia CC ka la jop noh ha ka jingïalehkai da 8 wiket bad ïa ka nam ‘Player of the Match’ la ïoh da u Shembhalang Pyngrope.
