Shillong, Rymphang 20
Ka lympung Shillong Cricket League Super Division 2026 ba la pynïaid da ka Shillong Cricket Association ka la bteng da ka jinglehkai hapdeng ka Royal CC pyrshah ïa ka Nongmynsong CC.
Ha ka jingkynting pisa ka Royal CC ka la ïohkam trai bad ka la jied ban tied nyngkong. Ka Nongmynsong CC ka la ïoh 231 ron ki nongtied bol ba kongsan ki long u Jaskirat S Sachdeva 78 ron bad u Ram 45 ron, katba u Raj Biswa u la ïoh pynhap 4 wiket bad u Bipin Ray 2 wiket.
Ka Royal CC ka la ïoh tang 216 ron. U Raj Biswa u la kamai 59 ron bad u Reshabh Dipak 50 ron ki la long nongtied bol ba kynsai bad u Jaskirat S Sachdeva u la khur 5 wiket bad u Himan C Phukan 2 wiket.
Ha kaba kut ka Nongmynsong CC ka la jop noh ha ka jingïalehkai da 15 ron bad ïa ka nam ‘Player of the match’ la ïoh da u Jaskirat S Sachdeva uba la ïoh 78 ron bad khur 5 tylli ki wiket.
