Washington, Rymphang:
U President ka United States, u Donald Trump, ha ka Sngi Palei u la lum lang ia baroh ki nongkyrshan jong u ban plie paidbah ia ka ‘Board of Peace’, kaba long ka seng ba thymmai duh eh jong u, kaba la wanrah khnang naka bynta ban wanrah ia ka shongsuk- shongsaiñ ha ka pyrthei bad khamtam nyngkong eh ban pynbit- pynbiang ia ka jinglong jingman hapdeng ka Gaza bad Israel.
Kumba ar phew ngut ki nongïalam ka pyrthei lane kiwei kiwei ki heh ophisar ki la wan sha Washington na ka bynta katei ka jingïalang — kynthup ïa ki katto katne ngut ki paralok jong u Trump kiba sngewtynnat ïa ka jingsynshar donbor bad ym don uwei ruh na ki nongsynshar paidbah jong ka Europe kiba ju soi ïa ki jingthmu jong ka US.
Ka “Board of Peace” ka la wan lang hadien ba ka sorkar jong u Trump, kaba iatreilang bad ka Qatar bad ka Egypt, ki la iakren ia ka thma ha u Risaw ban pynsangeh ia ki ar snem jong ka thma ba pynjot ha Gaza.
Ka America ka ong ba katei ka jingthmu mynta ka la rung sha ka bynta kaba ar da kaba pynleit jingmut ha kaba pynduh tiar ia ka Hamas — ka kynhun lehnoh Palestine kaba ka jinghiar thma kaba khlem pat ju jia mynno mynno ruh ha ka 7th Risaw, 2023, ia ka Israel ka la pynlong ia ka jinghiar thma kaba jur.
Ka tnad ka koit ka khiah jong ka Gaza, kaba treikam hapoh ki bor jong ka Hamas, ka ong ba ym duna ia ka 601ngut ki briew, ki la shah pyniap ha ki shipai Israel, naduh ba la sdang ka jing ia sangeh thma.
Ha ka jingïalang jong ka “Board of Peace”, la khmih lynti ba u Trump un batai bniah ïa ki jingkular ba palat $5 billion na ka bynta ka Gaza, ha kaba kiba bun ki jingtei ki sahkut ha ki thliew bad u nongdie marpoh khyndew uba la kylla long u president u la ai jingmut khlem da lah ban pynroi ïa ki jaka jngohkai pyrthei.
Ha kane ka jingialang yn peit ruh kumno ban plie ia ka Internationa
Stabilization Force ka ban pynthikna ia ka jingshngain ha Gaza.
U nongialehkai ba kongsan un dei ka Indonesia, ka ri kaba bun tam ki Muslim, kaba la ong ba ka long kaba la pynkhreh ban phah haduh 8,000 ngut ki shipai sha Gaza, lada pynthikna ia katei ka bor.
U President ka Indonesia, u Prabowo Subianto, un shim bynta ha ka jingialang ban sdang ha Gaza, hadien ba u la iadon bynta lang ha ka jingialang plie paidbah ha ka World Economic Forum ha Davos, Switzerland, ha ka taiew ba ladep.
