Shillong, Rymphang 20
Ka All Khasi Meghalaya Tourist Taxi Association (AKMTTA) kum ka dak jong ka jingburom ïa la u jong u nongmihkhmat uba long u dkhot ka Parliament (MP) jong ka Shillong Parliamentary Konstitwensi, u Dr. Ricky A. J. Syngkon, ka la shim ïa ka rai ba kan sangeh kamai lashai ka sngi ka 21 tarik u Rymphang, 2026, kaba dei ka sngi leit ontep ïa u.
Ha ka kyrwoh ba la phah da u President, u Bah R. Dohling u la ong ba u Dr. Ricky A. J. Syngkon u dei u nongïalam uba la pyni bun ki dak ki shin halor ka jinglong nongïalam ka jong u bad ban kren ïa ki mat ki jura jong ka jaitbynriew haduh ha ka dorbar jong ka Parliament.
Ka AKMTTA ka phah ruh ïa ka khubor sngewlem halor ka jingkhlad jong une u nongïalam ha ka 19 tarik u Rymphang, 2026, sha ki bahaïing hasem bad sha baroh kiba ïeid bathoiñ.
“Ka AKMTTA ka kyntu ïa baroh ki para dkhot ba kin ïa poi lang ruh sha ka ïingsah jong une u nongïalam kaba don ha Nongsder, Ri Bhoi District,” la ong u Bah R.Dohling.
