Washington, Rymphang:
Katkum ki khubor, la ong ba da ki million tylli ki file kiba ïadei bad u nongleh kam sniew ha ka kam shongkha shongman ba la khlad noh, u Jeffrey Epstein, ki ai jingmut ïa ka jingdon jong ka “kam runar ha ka pyrthei” kaba la pynlong ïa ki kam kiba ïahap bad ka kyndon aiñ jong ki kam runar pyrshah ïa ka longbriew- manbriew, katkum ka kynhun jong ki riew shemphang ba laitluid ba la thung da ka Council jong ka Hok Longbriew- Manbriew.
Ki riew shemphang, ki la ong ba ki kam runar, kiba la kdew ha ki kot ki sla, kiba la pynmih da ka tnad ain jong ka US, la leh pyrshah ia ka jingngeit ba halor, ka jingsngewpher jaitbynriew, ka jingbamsap, bad ka jingsngewsih kaba jur bha ia ki kynthei.
Ki kam runar, ki la ong, ki pyni ia ka jingpynlong mar khaïi bad ka jingbym kheiñ briew ia ki kynthei bad ki khynnah kynthei.
“Ka long kaba shyrkhei haduh katta katta ka jingheh, ka jinglong, ka jinglong ba ryntih, bad ka jingktah sha kylleng ki ri jong kine ki jingleh be-ijot pyrshah ïa ki kynthei bad ki khynnah kynthei, ba ka jingdon jong ki ka lah ban pyndep ïa ka kyndon aiñ jong ki kam runar pyrshah ïa ka jinglong briew,” la ong ki riew shemphang ha ka kyrwoh.
Ki riew shemphang ki la ong ba ki jingkynnoh kiba don ha ki file ki donkam ia ka jingtohkit kaba laitluid, kaba bniah bad kaba khlem liang, bad ki la ong ba dei ruh ban sdang ia ki jingtohkit kumno ka lah ban long ba kum kine ki kam runar kin jia haduh katne por.
Ka tnad jong ka ain jong ka US kam shym la jubab mardor halor ka jingkyrpad ban ai jingmut.
Ka aiñ, kaba la mynjur da ka Congress ryngkat ka jingkyrshan kaba heh jong ki arliang mamla ha u Nohprah, ka dawa ba baroh ki file kiba ïadei bad u Epstein, dei ban pynpaw paidbah.
Ki riew shemphang jong ka UN ki la pynpaw ïa ki jingsngewkhia shaphang “ki jingbym lah ban kohnguh kiba jur bad ki jingpynkylla ba la bakla” kiba la pynpaw ïa ki jingtip ba kongsan jong ki nongshah lehbeiñ. Palat 1,200 ngut ki nongshah pyniap la ithuh ha ki kot ki sla kiba la pyllait haduh mynta.
Ka jingpynmih ïa ki kot ki sla jong ka Justice Department ka la pynpaw ïa ka jingïadei jong u Epstein bad kiba bun ki briew kiba pawnam ha ka saiñ pyrthei, ka pisa tyngka, ka pule puthi bad ka kam khaii – ha shwa bad hadien ba u la phla pop ha u snem 2008 halor ki jingshah kynnoh khaii met, kynthup ïa ka jingpan pisa ïa kawei ka khynnah kynthei kaba dang rit ka rta.
La lap ïa u ba u la sahkut ha ka kamra phatok jong u ha u snem 2019 hadien ba la kem biang ïa u halor ka jingkynnoh jong ka sorkar pdeng halor ka jingkhaii ïa ki khynnah rit. La rai ba ka jingiap jong u ka dei ka jingpyniap ialade.
