Shillong, Rymphang 22
Ka wei ka longkmie kaba la wan sngewlem ha ka sngi leh burom ba khatduh ïa u MP ka Shillong Parliamentary Konstitwensi, u Dr.Ricky AJ Syngkon ha ka sngi Saithaiñ, ka la ïapler kynsan mar shu poi ka met u MP ha madan Nongsder.
Ka jingïapler jong ka tei ka longkmie ka dei namar ba ka kynmaw ïeid ïa u Dr.Ricky Syngkon uba la trei bad kren ïa ki mat ki jura jong ka Jylla mynba u dang long kum u MP jong ka Shillong hynrei u Blei u la shim noh halade ïa u.
U Dr.Ricky Syngkon u la khlad noh na la sla pyrthei ha ka 19 tarik u Rymphang 2026, ha Robert Hospital, Jaïaw hadien ba u la kyllon kynsan kynsan ha ka por ba u ïalehkai football ha Mawïong ryngkat bad ki paralok jong u.
Ka jingkhlad noh jong u MP ka Shillong ka la pynsngew sih lut ïa baroh ki paidbah namar ba u dei u briew uba sngewrit bad u briew uba ïeid lut ïa baroh ki paidbah jong ka Jylla.
Hadien ba ka met jong u Dr.Ricky Syngkon ka la poi ha madan ban leh burom khatduh, la ïoh sngew ïa ka jingïam kthang jong ki paidbah, ha kaba la ïohi ba kawei ka longkmie ka la ïam kthang haduh ba ka la ïap ler syndon.
Ka khlad noh jong u Dr.Ricky Syngkon kam dei tang ka jingduh jong kiba ha ïing ha sem hynrei ka dei ka jingduh ïa ka ka Jylla hi baroh kawei.
Ia ka met ba sah jong u Dr.Ricky AJ Syngkon la leit on tep noh hynnin ka sngi Saitjaiñ, ka 21 tarik u Rymphang 2026, ha u lum jingtep ka Balang Presbyterian Sumer, ha ka jingwan tuid da ki phew hajar ngut ki paidbah.
