Shillong, Rymphang 22
Ka Sorkar Pdeng ka la mynjur ïa ka jingmang pisa kaba heh sha ki 4 tylli ki Trauma Care Centre (TCC) kiba don hapoh ka Jylla.
Ka Trauma Centre ha Shillong Civil Hospital ka la ïoh pdiang ïa ka pisa kaba T. 675 lak (Sorkar Pdeng, Lber 2017), T. 75 lak ka bhah jong ka Jylla (Risaw, 2019), kaba treikam kum ka Level-II naduh u snem 2024 (hashuwa ka Level-III naduh u snem 2012), na ka bynta ka Tura Civil Hospital, T.444.78 lak (Sorkar Pdeng, Lber, 2016), T. 30.60 lak ka bhah jong ka Jylla (Risaw, 2019), kaba treikam kum ka Level-III naduh u snem 2024, na bynta Nongpoh Civil Hospital T. 306 lak (Sorkar Pdeng, Lber, 2017), T. 34 lak ka bhah jong ka Jylla (Risaw, 2019), kaba treikam kum ka Level-III naduh u snem 2025 bad na bynta ka Jowai Civil Hospital: T.80 lak (Sorkar Pdeng, Lber, 2007), ym don bhah jong ka Jylla, kaba treikam kum ka Level-III naduh u snem 2019.
Ïa kane la pyntip da u Myntri ka tnad ka koit ka khiah, u Bah Wailadmiki Shylla ha ka jubab ba la wanrah hapoh Ïingdorbar.
