Jowai, Rymphang 22
Ka Jaiñtia Hills Autonomous District Council (JHADC) kala thung biang ïa u Ma Octomewot Lamin kum u MDC shu sieh (Nominated MDC) bad un shim smai ha ka 26 tarik Rymphang.
Ka Sorkar Jylla ka la mynjur ïa ka jingtyrwa jong ka Executive Committee jong ka JHADC kaba ïalam da ka NPP ban thung ïa u Ma Lamin kum u Nominated MDC.
U Ma Lamin u la long teng u Nominated MDC ha u snem 2019.
Katkum ka jingpynbna ba la pynmih da ka ophis jong ka Jaiñtia Hills Autonomous District Council, la ong ba ïa ka jingsmai ne jingpynskhem yn pynïaid da u Chairman ka Council ha ka kamra treikam jong u.
